SIMPLENG PARAAN PARA MAKA-MOVE ON (Ni: Blue Butterfly)

Ni: Blue Butterfly

1. Alisin ang mga bagay na makapagpapaalala sa kanya

Kung talang gusto mo na siyang makalimutan, dapat mong alisin ang mga bagay na nakapagpapaalala sa kanya. Halimbawa ay mga photos ninyong dalawa, mga souvenirs ng pinuntahan nyong lugar, mga regalo mula  sa kanya at kung anu-ano pa. Pwede mo itong itapon, sunugin o kaya naman ay itago na lang sa isang safe na lugar na hindi mo laging nakikita.

2. Magfocus sa trabaho

Kung okay ka naman sa trabaho, mas makakabuti kung magfofocus ka dito. Lalo na kung may mga problema ka ring kinakaharap sa work ay pwedeng dito mo ibaling ang atensyon mo sa pagresolba ng problema sa trabaho at kung paano mo pa ito mapaghuhusayan. Kapag isinubsob mo ang sarili sa trabaho ay malaki ang posibilidad na mabawasan ang bigat na dinadala mo.

3. Makipagbonding sa mga kaibigan

Isang mabisang paraan din ang pakikipagbonding sa mga kaibigan. Lalo na sa mga kaibigan na hindi boring kasama, yung tipong patatawanin ka sa buong oras na magkakasama kayo at hindi hahayaan na maging malungkot ang araw mo. Yung mga kaibigan na nakakaintindi sa pinagdaraanan mo.

4. Tumuklas ng mga bagong bagay

Kung naitago mo na ang mga bagay na makapagpapaalala sa kanya, nagawa mo na ring ituon ang atensyon mo sa trabaho at nakipagbonding to the max ka na rin sa mga beshies mo pero still, ay hindi ka pa rin maka move on, subukan mo namang tumuklas ng mga bagong bagay o gawain na pwede mong pag-interesan. Like new sports o kaya ay travel adventure with your family.

Marami kang pwedeng gawin para makapagmove on. Ang mga nabanggit ay ilan lamang sa mga ito. Kaya tigilan na ang pagmumukmok dahil lalamunin ka lang ng lungkot. Hindi rin kailangan na agad humanap ng kapalit dahil baka ang idulot nito ay doble pang sakit. Just stand up and think positive.